ದೀವಿಗೆಯ ಬೆಳಕಲಿ

     
          ದೀವಿಗೆಯ ಬೆಳಕಲಿ


ಯಾರೊ ದೀವಿಗೆಯ ಹಿಡಿದು ಬಂದರೋ
ಯಾರ ಹೃದಯವ ಬರಿದು ಮಾಡಲು.|ಪ|

ಬಂಧುಗಳ ತೊರೆದು ಬಂಧಿಯಾದೆ
ನಿನ್ನ ಬೆಚ್ಚನೆಯ ಬಂಧನದಲ್ಲಿ.
ಕನಸು ಕಂಡಂತೆ ಎಂದು ನಡೆಯಿತೆ
ಈ ಬಾಳ ಪಯಣದಲ್ಲಿ.

ಸುಡುವ ಒಡಲಿಗೆ ಸುಮದ  ಕಂಪೇತಕೆ
ಸುರಿವ ಮಳೆ ಸಾಕಲ್ಲವೇ ತಂಪೇರೊಕೆ?
ಕತ್ತಲೆ ಬಾಳಲಿ ಬೆಳಕ ಕಂಡು
ಹತ್ತಿರ ಬಂದರೆ ಎತ್ತರ ಎತ್ತರ
ಬಲು ಎತ್ತರ ಚಂದ್ರ ಬಿಂಬ.

ನೆತ್ತರ ಬತ್ತಿಸಿ ಬೆಳಕ ತೋರಿಸಿ
ಬಿಸಿಯ ಮುಟ್ಟಿಸಿ ಬೆಳೆದು ಹೋದರೋ..
ಮೋಹದ ಸುಳಿಗೆ ಸಿಕ್ಕು ಪ್ರೀತಿ
ಸುಕ್ಕುಗಟ್ಟಿ ಹೋಯಿತೇ..
 
      ಎಸ್.ಪಿ.ಗುಲ್ವಾಡಿ