ಮೌನದಾಸೆ

 ಕೆಂಗುಲಾಬಿ ತೋಟದ ಪಕ್ಕದಲಿ

ಕಣ್ಣಂಚಿಗೆ ಸೆರೆಸಿಕ್ಕ ಹೂಗಾರ
ಹರೆಯದ ಹೆಣ್ಣು ನಕ್ಕರೂ
ಹಲ್ಲು ಕಿರಿಯದ ಮುಜುಗರ

ಕಾಲು ಸವೆದ ಜೀವನ
ಅರ್ಧ ದಾಟಿದ ಯೌವನ
ಆಸೆ ಕಂಗಳ ಹೂ ಮನ
ಯಾರಿ... ಚೆಲುವ ಮೋಹನ...

ತಿದ್ದಿ ತೀಡಿದ ಕುಡಿ ಮೀಸೆ
ಕನಸ್ಸಲ್ಲೂ ಅವನ ಭ್ರಮಿಸಿ
ಹತ್ತಿರದಲ್ಲೆ ಮುದ್ದಿಸುವಾಸೆ

ಮೈತ್ರಿಯ ಮಾಡಲೇ..
ಕೈಯ ಕುಲುಕಲೇ..
ಸ್ನೇಹ ನೋಟವ ಬೀರಲೇ...

ಗೊಂದಲದ ಮಧ್ಯ
ಮೂಡಿದ ಮನದಾಸೆಗೆ
ತಿಲಾಂಜಲಿ ನೀಡಿ
ಸದ್ದಿಲ್ಲದೆ ಜಾರಿ ಕೊಳ್ಳಲೇ..

ಇಲ್ಲ..ಅವನ ಅರಿವಿನಲ್ಲಿ
ನನ್ನ ಪರಿವೆಯಿಲ್ಲದೆ ಕಿತ್ತಿರುವ
ಗುಲಾಬಿ ಮೊಗ್ಗ  ಕೈಗಿತ್ತು ಜೋಪಾನ ಎನ್ನಲೇ..