ಅರಿತೆವೇನು ನಾವು ನಮ್ಮ ಅಂತರಾಳ
ಬೆರೆತೆವೇನು ಎಲ್ಲರೊಂದಿಗೆ ಸನಿಹ ಬಹಳ.
ಕರೆದೆವೇನೆ ಸ್ನೇಹ ಬಂಧುಗಳ
ಮರೆತೆವೇನೇ ನೋವ ಬಿಂದುಗಳ
ಸಂಬಂಧ ಬೆಸೆಯಲು ಸಮಯ ಬೇಕಲ್ಲ..
ಅದ ನೀಡಲು ಸಿದ್ದರಿರಬೇಕಲ್ಲ
ಸಂಧಿಸಲು ಸಿಗಲೆ ಬೇಕಲ್ಲ
ಸಿಕ್ಕಾಗ ಒಂದು ನಗುವು ಬೇಕಲ್ಲ
ನಕ್ಕರು ಅನುಮಾನಿಸದಿರಲು
ಹಳೆಯ ನೆನಪು ಬೇಕಲ್ಲ
ಕೂಡಿ ನಲಿದ ದಿನಗಳೆಷ್ಟು
ಜೋಡಿ ಕಳೆದ ಸಮಯವೆಷ್ಟು..
ಬಾಲ್ಯವೊಂದು ಬಿಟ್ಟರೇ
ಸಿಗದು ನಮಗೆ ಉತ್ತರ
ತುಂಬ ರಭಸದ ಜೀವನ
ಬೇಸತ್ತು ಸಾಗುವ ಮೈ ಮನ
ಎಲ್ಲಿ ಕಂಡೆವು ಯೌವನ
ಅರ್ಧ ವಯಸ್ಸಿಗೆ ಮುದಿ ಮನ
No comments:
Post a Comment