ಮಾತುಗಾರ ಮೋಡಿಗಾರ
ಸಲಿಗೆಯ ಹದ್ದುಮೀರ
ಅವನ ಖುಷಿಯ
ನನಗೆಯಿತ್ತ ಪಾಲುದಾರ..
ವಾಸ್ತವಕ್ಕೆ ದೂರ ಅವನು ಬಲು ದೂರ
ತುಸು ಹೆಚ್ಚೆ ಹುಚ್ಚಿ ನಾನು
ನನ್ನೊಳಗೆ ಅವನ ಹಚ್ಚಿಕೊಂಡು.
ಮನಬಿಚ್ಚಿ ಮಾತಾಡೊ ಆಸೆ
ತುಂಬಾ ಅಚ್ಚು ಮೆಚ್ಚು ಕಾಣೋ
ತಪ್ಪು ಸರಿ ಅನ್ನುವ ಉಯ್ಯಾಲೆ
ಮನಸ್ಸು
ಒಪ್ಪುತ್ತಿಲ್ಲ ಯಾಕೋ..
ನನ್ನಲ್ಲಿ ತಪ್ಪು ಹುಡುಕಬೇಡ ಗೆಳೆಯಾ
ನನ್ನೊಳಗೆ ನಾನು ನಕ್ಕೆ
ನಿನ್ನ ನೆನಪಿನಾಳಕ್ಕೆ
ಮುಗ್ಧ ಮನಸ್ಸು ಜಾರಿ
ಅದು ಎಲ್ಲ ಎಲ್ಲೇ ಮೀರಿ
ಬೇಡ ಬೇಡವೆಂದು
ಬಯಸಿದೆ ನಿನ್ನ ಇಂದು..
No comments:
Post a Comment