ನೀ ಬಳಿ ಬಂದೆ

 

ನೀನೆಂದು ನನ್ನವಳು ನನಗಾಗಿ ಬಂದವಳು
ಪ್ರೀತೀಲಿ ಈ ಲೋಕ ತರೆದಿಟ್ಟವಳು
ಮಗುವೇ ನೀನಾಗಿ ನಗುವೆ ನನಗಾಗಿ
ನನ್ನ ನಗಿಸಿ ನಕ್ಕವಳು

ಅಪೂರ್ವ ರೂಪದವಳು ಅಪರಂಜಿ ಇವಳು
ಅಪರೂಪಕೆ ಸಿಕ್ಕವಳು.
ಹೊಗಳಲು ಅಪಸ್ವರವೆಲ್ಲಿ
ಅಪಾರ ಪ್ರೇಮಿ ನಾ...

ಭಯದ ಕನವರಿಕೆಯ  ನೀ ಸರಿಸಿ
ಬಾಳಲಿ ಬೆಳಕನು ಮತ್ತೆ ತೋರಿಸಿ
ಜೋತೆಯಲಿ ಅನುಸರಿಸಿ
ಬಂದೆ..ನೀ...

ಆಸೆಯ ಅಂಚಲಿ ಮೂಡುವ ಬಯಕೆಗೆ
ಶೃಂಗಾರದ ಸಂಗಮ ನೀ ತಂದು
ಎದೆಯ ಪಿಸುಮಾತಿಗೆ
ನಿನ್ನ ನಸು ನಗೆಯ ತುಂಬಿ
ಭ್ರಮೆಯ ಬದುಕಲಿ ಬಣ್ಣದ ರಂಗೇರಿಸಿದೆ..