ಹೊಂಬೆಳಕೆ

 

ಹೊಂಬೆಳಕೆ ಹೊಂಬೆಳಕೆ ಹೊನ್ನಿನ ಗಣಿಯೆ
ತನಮನಕೆ ತನುಮನಕೆ ಬಣ್ಣದ ಮಣಿಯೆ
ಜಗವೆಲ್ಲ ನಗುವೆಲ್ಲ ನಿನ್ನದೆ ಮಾಯೆ
ನೆನಪಲ್ಲಿ ಮನದಲ್ಲಿ ನೆರಳಲ್ಲೆಲ್ಲ ನಿನ್ನ ಛಾಯೆ

ಸೃಷ್ಟಿಯೊಂದು ದೀಪ ಮುಷ್ಟಿಯೊಳಗೆ ನಾನಾ ರೂಪ
ತೋರುತ ಕಣ್ಣ ಮುಚ್ಚಾಲೆ ಯಾಕಪ್ಪಾ.
ಇಂದು ಇರುವ ನೋಟ
ನಾಳೆ ಕಾಣದ ಆಟ
ಸಾಗುತ್ತಿರುವುದು ನಿರಂತರ ಈ ಓಟ

ಧರೆ ಜನರ ಮನಸ್ಸು ರಂಗು ರಂಗಿನ ಕನಸ್ಸು
ಒಮ್ಮೆ ಮುನಿಸು ಇನ್ನೊಮ್ಮೆ ಜೇನ ಹರಿಸು
ದೂರ ತೀರದ ಸಂಚಾರ ಹಾಡುಗಾನದ ಇಂಚರ
ಭಾವ ಲಹರಿಯು ಸುಂದರ..ಆಹಾ ಸುಮಧುರ

ಸಾಕು ಕೋಪ ಮುನಿಸು
ನಿನ್ನ ಪ್ರೀತಿ ಸೊಗಸು
ಆಂತರ್ಯದಲ್ಲಿ ಜನಿಸು
ಬಾಹ್ಯದಲ್ಲಿ ರಾರಾಜಿಸು.