ತಿಳಿಮುಗಿಲ ತೊಟ್ಟಿಲಲಿ

 

ತಿಳಿಮುಗಿಲ ತೊಟ್ಟಿಲಲಿ
ಬಿಳಿಮೋಡ ಹುಟ್ಟಿರಲೂ
ಮಳೆ ಕಟ್ಟಿ ಸುರಿಯುವುದೇ ಇಳೆಗೆ..

ಚಳಿಗಾಳಿ ಬೀಸಿರಲು
ನೀರುಕ್ಕಿ ಬರುತ್ತಿರಲು
ಹಾಯ್ದೋಣಿ  ಕಟ್ಟಿರುವೆ ಹೊಳೆಗೆ..

ಮಾಗಿದ ತೆನೆಯ ಫಸಲು
ಘಮ್ಮೆಂದ ಮಲ್ಲಿಗೆ ಎಸಳು
ಉಯ್ಯಾಲೆಯಾಡಿದೆ ನೋಡು ಹಕ್ಕಿಗೂಡು

ಹಾಸೋ ಕಲ್ಲಿನ ಮೇಲೆ ಮಲಗಿ
ಬೀಸೋ ಗಾಳಿಯ ಸವಿಯು
ಸೂಸಿ ತಂದ ಗಂಧ ಎಷ್ಟು ಚೆಂದ

ಕಲ್ಲು ಚಪ್ಪರದಿಂದ
ಹುಲ್ಲು ಹಾಸಿನವರೆಗೂ
ಬೆಳ್ಳಕ್ಕಿ ಸಾಲು..ಎಳೆ ಬಿಸಿಲಲ್ಲೂ..

ಹನಿ ಹನಿ ಇಂಚರಕೆ
ತುಂತುರು ಮಳೆಯಲ್ಲಿ
ನಾಟ್ಯವಾಡಿದೆ ಕಾಮನ ಬಿಲ್ಲು ಎಲ್ಲೋ ಮರೆಯಲ್ಲಿ..