ಕ ಕಾಗುಣಿತ ಕವಿತೆ

 

ಕನಸಲಿ ಕಾಣುವ ಮೋಹಕ ರೂಪ ನಿನ್ನದು
ಕಾಡಿಗೆಯ ಕಣ್ಣಲ್ಲಿ ಕಾಣದೆ ಕಾಡಿಸೊ ಅಮಲೂ ನಿನ್ನದು.
ಕಿರು ನಗೆಯಲಿ ಮರು ಮಾತಾಡದೆ ಮರೆಯಾದರೆ ನೀ
ಕೀಲಿ ಕೊಟ್ಟ ಬರಿ ಬೊಂಬೆ ನಾ..

ಕುಡಿಯೊಡೆದ ಕನಸಿಗೆ
                ಕೊಡೆ ಹಿಡಿಯೇ ಬಾ ಗೆಳತಿ
ಕೂಡಿ ಬಾಳುವ ಕಡೆತನಕ

ಕೃಶವಾದೆನು ನಿನ್ನ ನಶೆಯಲ್ಲಿ
ಕೆಣಕುವ ಕಣ್ಣೋಟ ಸಾಕೀಗ
ಕೇಳೆ ಗೆಳತಿ ಪ್ರೀತಿ ಮಾತೀಗ
ಕೈ ಹಿಡಿದು ನಡೆವೆ ಜನುಮ ಜನುಮಕೂ

ಕೊನೆಯಿಲ್ಲದ ಪ್ರೀತಿ ಈ ಸಂಗಮ
ಕೋಟಿ ನಂಟಿಗೂ ನಿಲುಕದ ವಿಹಂಗಮ
ಕೌಮಾರಿ ಕನಸು ನೂರೊಂದು ಬಯಕೆ
ಕಂಬನಿಯ ಕೋಣೆಯಲಿ
ಕಹಳೆಯ ದ್ವನಿಯಲ್ಲಿ ಈ ಕೂಗು ನಿನಗೆ ಕೇಳದೇ?