ಗ ಕಾಗುಣಿತ ಕವಿತೆ

 

ಗಗನದ ಕುಸುಮವೇ ನೀನು
ಗಾಳಿಯು ಬೀಸಲು ಏನೋ
ಗಿಜಿ ಗಿಜಿ ಗುಟ್ಟುವ ಮನದ ಭಾವವ
ಗೀಚುವ ಆಸೆಯು ನನ್ನಲಿ

ಗುನುಗುವೆ ನಿನ್ನನೇ ಅನುದಿನ ನಾನು
ಗೂಡಲಿ ಎದೆಯ ಗೂಡಲಿ ಈ ಕೂಡಲೇ
                  ಬಂಧ ಬಿಗಿಯಾಗಲಿ

ಗೃಹಧಾರಿಣಿ ಮನ ಸಂಚಾಲಿನಿ
ಗೆಲುವಾದ ಓ ಒಲವೇ ನನ್ನ ನಲಿವೇ
ಗೇಯತೆ ಆ ಮಧುರ ನುಡಿಯಲಿ
                            ಮನವೀಗ ನಿನ್ನ ಜೊತೆ  ಸೇರಿ
ಗೈರಾದ ನನ್ನ ದಿನಚರಿ

ಗೊಲ್ಲನ ರಾಧೆಯಂತೆ ನನ್ನಯ ಮಾತಿಗೆ
ಗೋಪಿಕೆ  ನೀನು ಆದೆ
ಗೌರವತೆಯ ಕೈಯ ಹಿಡಿದು
ಗಂಧರ್ವ ಲೋಕವ ನಾನು ಕಂಡೆನು
ಗಹನವಾದ ಪ್ರೀತಿಯ ಸವಿಯ ಉಂಡೆನು.