ಸಂಕಲ್ಪ

ಸಂಕಲ್ಪ

ಕಟ್ಟುಕತೆ ಹೇಳುವುದಕ್ಕಿಂತ ಕಟ್ಟಿ ಕತೆ ಹೇಳು
ಜನಮನ ಮುಟ್ಟಿ ತಟ್ಟಿ ಎಬ್ಬಿಸುವುದು ನಿನ್ನ ಕರೆಗೆ
ಕಪ್ಪೆಚಿಪ್ಪು ಸುಟ್ಟು ಸುಣ್ಣ ಮಾಡಿ ಗೋಡೆಗೆ ಬಣ್ಣ
ಬಳಿದರೆ ಎಲ್ಲಿ ಕಾಣುವುದು ಕಪ್ಪುಚುಕ್ಕಿ.

ಮಾಡಿದ ತಪ್ಪು ಒಪ್ಪು ನೀ ಲೆಕ್ಕ ಹಾಕದಿರು
ಗುರಿಯೆಡೆಗೆ ಸಾಗುವಾಗ ಸವಾಲು ಸುಮಾರು
ಸಾವಿರ ಬಾರಿ ಸಾಗಿದ ದಾರಿ ಅಗ್ನಿ ಪರ್ವತದಂತೆ ಕಾಣುವುದು ದಣಿದವನಿಗೆ.
ಸಾಗರ ಸವರಿ ಸಾವಿಗೆ ಹೆದರಿ ಬಿಟ್ಟನೇ ಅನ್ವೇಷಣೆ.
ಹೊಸ ಜಗತ್ತನ್ನೇ ಹುಡುಕಲಿಲ್ಲವೇ

ಬೆಚ್ಚನೆ ಮಲಗಿರಲು ಬೆಚ್ಚಿ ಬೀಳಿಸುವುದಿಲ್ಲವೇ
ದುಷ್ಟ ಸ್ವಪ್ನ
ಅದೇನು ವಾಸ್ತವಕ್ಕೆ ಹತ್ತಿರವಾದದ್ದೆ?
ದಟ್ಟ ಅರಣ್ಯದಲ್ಲಿ ದಿಟ್ಟತನದಿ ಹೋರಾಡಿ
ದುಷ್ಟರನ್ನುರುಳಿಸಿದ ದೃಷ್ಟಾಂತ ಇಲ್ಲವೇ?
ಸಾಮ್ರಾಟ ನಾಗುವ ಬಯಕೆ ಇದ್ದರೆ ಸಾಲದು
ಸಾಮ್ರಾಜ್ಯ ಕಟ್ಟುವ ಹೊಣೆ ಅರಿಯಬೇಕು.