ನನ್ನೊ(!)ಳ ನೀನು(?)

 

ನನ್ನೊ(!)ಳ ನೀನು(?)

ನಿನ್ನೊಳಗಿನ ಗೆಳೆತನಕೆ ಏನೆಂದು ಹೆಸರಿಡಲಿ..
ಸ್ನೇಹಿತನೆನಲು ಸ್ನೇಹದ ಸಲುಗೆಯಿಲ್ಲ.
ಪ್ರೀಯತಮನೆನಲು ಭಾವದ ಸ್ಪರ್ಶವಿಲ್ಲ..
ಮರೆತು ಬಿಡಲು ಸಾಧ್ಯವಿಲ್ಲ
ನಂಗು ಗೊತ್ತು ನಿನಗೂ ಇದು ಬೇಕಿಲ್ಲ.

ಆದರೂ ಹೆಚ್ಚೆ ಹಚ್ಚಿಕೊಂಡಿರುವೆವು‌.
ನಿನ್ನ ನಾನು,ನನ್ನ ನೀನು..
ಕೋಪದುರಿಯಲಿ ಸುಡದಿರು
ನನ್ನ ನೆನಪನು.
ಮೆಲುಕು ಹಾಕುವ ಮೈತ್ರಿಗೆ
ಪದೆ ಪದೆ ಹೊಳಪು ನೀಡು.

ಕುಡಿಯೊಡೆದ ಆಸೆಯಂತೆ ಬಿಡದೆ ಕಾಡುತಿರುವೆ
ಕಡೆಗಣಿಸಿ ಹೊರಟವಗೆ
ಸಾಂದರ್ಭಿಕವಾಗಿ ಬಂಧಿ ಮಾಡಿದ ವಿಧಿಯು
ಸಾಂಕೇತಿಕವಾಗಿ ಬೂದಿ ಮಾಡಿದ.

ನಿನ್ನೆ ನೋಡುವ ತವಕದಲಿ
ಕಡಿಮೆ ಮಾಡಿಕೊಂಡಿರುವೆ ವೇಗ,ಆವೇಶ..
ವಂಚಿಸದೆ ನೀಡು ತುಸು ಅವಕಾಶ..

ಉತ್ತರ ಕಂಡುಕೊಂಡಿದ್ದೇನೆ.
ಒಬ್ಬರನೊಬ್ಬರು ಸಂಧಿಸದೆ,
ಹೀಗೆ ಸಮಾನಂತರದಲಿ ಸಂಚರಿಸಲು
ಬೆನ್ನು ಹಾಕದಿರು ಈ ಪಯಣದಲಿ.